Die Suid-Afrikaanse Lugdiens (SAA) het laat blyk dat hy in skuld verdrink en dringend meer van die belastingbetaler se geld nodig het om te oorleef.
Die lugdiens se hoof-finansiële beampte, Kaushik Patel, het geskokte LP’s in die parlement vertel dat die hoë olieprys en ander faktore dit moeilik gemaak het vir die lugdiens om te oorleef van geleende geld alleen.
Patel het gesê hoewel die lugdiens ‘n operasionele wins gemaak het, dit nie genoeg was om die olieprys en die hoë rentekoerse op sy skuld uit te skakel nie.
