Willie Madisha, die voormalige president van die Congress of South African Trade Unions (Cosatu), beplan om voor die einde van die maand 'n nuwe werkersfederasie in Gauteng op die been te bring, het die SABC Maandag berig.
Die nuwe organisasie sal van Cosatu verskil in die sin dat hy op werkerskwessies sal fokus eerder as op politiek, het hy Sondag gesê waar hy werkers in Secunda, Mpumalanga, toegespreek het.
Hy het gesê baie vakbonde onder Cosatu se beheer word politieke partye omdat hulle nie na werkers se probleme omsien nie, maar by die politiek betrokke raak.
