Die Ierse rocklegendes U2 het groot moeite gedoen om hul nuutste album geheim te hou voor die vrystelling op Vrydag, maar internet-rowers het dit nog steeds reggekry om hul hande daarop te lê.
Die nuwe album "No Line on the Horizon" was reeds vir dae beskikbaar op webtuistes, ten spyte van hoë sekureit voor die amptelike vrystelling. Die musiek is deur duisende mense onwettig van die internet afgelaai.
Volgens die Forbes-tydskrif, het die musiek uitgelek op 'n Australiese webtuiste, wat deur Universal besit word. Daar was 'n fout op die webtuiste een week gelede, wat toegelaat het dat belangstellendes die album wettiglik kon aflaai.
Die webtuiste was twee ure lank foutief, voordat iemand van Universal dit opgemerk het.
