Valentynsdag is verby, maar vir een Pretoriase egpaar was dit 'n tydjie wat vir hulle oor meer as net rooi rose, 'n boks sjokolade en 'n mooi kaartjie gegaan het.
Vir Charmaine Fouche en haar man, Neville, wat al 14 jaar getroud is, was dit 'n geval van lewe en dood nadat Charmaine in 2008 siek geword het en uiteindelik 'n nieroorplanting nodig het om haar lewe te red.
Neville het verlede week uit Haiti terug huis toe gevlieg - om haar skenker te word. Die operasie word vir Woensdag beplan.
