'n Veteraan-bestuurder van een van die wêreld se grootste kleinhandel-kettingwinkels begin Maandag by Microsoft werk met die doel om Microsoft-winkels wat in die sagtewarereus se produkte spesialiseer, op die been te bring.
Die eerste op die sakelys vir David Porter, wie se ondervinding 25 jaar by Wal-Mart insluit, sal wees om te bepaal waar en wanneer om Microsoft-winkels te open, en hoe hulle ontwerp moet word.
Microsoft volg in die voetspore van sy groot mededinger, Apple, wat sy inkomste en wins aansienlik verhoog het deur sowat agt jaar gelede 'n string suksesvolle Apple-winkels te open.
