Die minister van finansies, Trevor Manuel, sê Suid-Afrika vertoon baie beter as baie ander lande gesien in die lig van die wêreldwye ekonomiese krisis.
Hy het aan ‘n radiodebat ná sy begrotingsrede deelgeneem en gesê hierdie feit word nie dikwels deur Suid-Afrikaners waardeer nie, omdat mense hulleself baie keer onderskat. Hy sê oplossings kan gevind word as daar samewerking is.
