Die nasionale behuisingsfinansieringskomitee (NHFC) beplan om in sy volgende finansiële jaar nog R1,6 miljard, en in die daaropvolgende drie jaar altesaam R5 miljard, te bekom ten einde sy bedrywighede uit te brei.
Samson Moraba, uitvoerende hoof van die NHFC, het Vrydag gesê 'n verbanduitreiking is die waarskynlikste weg.
Die organisasie sal homself ook wyd bemark.
Moraba het egter gesê die NHFC lok ook befondsing uit ander bronne, waaronder multilaterale agentskappe. Sowat R800 miljoen word van een groep verwag, met die res wat van die internasionale finansieringskorporasie (IFC) sal kom, maar weens die ekonomiese insinking wil die IFC "eers wag en kyk".
