Terwyl die regerende party die afgelope ruk erg onder skandale deurgeloop het, wil dit lyk asof die party wat op 22 April stembus toe gaan, nou vasklou aan die minister van finansies, Trevor Manuel.
Die ANC het hom na bewering net so nodig soos die land en sy ekonomie. Met ‘n swaard wat oor leier Jacob Zuma se kop hang en vrae wat oor baie regeringsministers gevra word, is Manuel een van die min name in die ANC wat steeds vertroue inboesem.
In ‘n interessante onderhoud onlangs, het Manuel gesê dat een van Zuma se sterkste punte is, “dat hy weet wat hy nie weet nie.”
Manuel meen dat Zuma goeie adviseurs nodig het – mense soos Manuel, meen baie Suid-Afrikaners.
