Yahoo! se nuwe baas Carol Bartz het Donderdag groot veranderinge aangekondig vir die bestuur van die sukkelende internet-reus.
Bartz het hierdie veranderinge bekendgemaak kort na nog 'n aankondig dat die Hoof Finansiele Beampte Blake Jorgensen die maatskappy verlaat en daar 'n soektog geloods is vir 'n nuwe persoon in sy plek.
"Ek gaan 'n nuwe bestuurstruktuur instel wat ek glo sal help om Yahoo! baie vinniger en meer doeltreffend te maak," het Bartz gesê.
Volgens analiste is die veranderinge 'n goeie teken:
"Bartz is besig om die kaf van die koring te skei. Sy raak ontslae van die mense met wie sy nie sal kan werk nie. Dis belangrik dat 'n hoof uitvoerende beampte 'n span kies wat lojaal teenoor haar sal wees," sê die analis Rob Enderle van Enderle Group in Silicon Valley.
