Alle bagasie wat aan SAA bemanningslede behoort sal voortaan fisies deursoek word, het die Suid-Afrikaanse lughawensmaatskappy (Acsa) Maandag gesê.
Die Acsa woordvoerder, Solomon Makgale, het gesê dit kom na aanbevelings van ‘n spesiale taakmag aangesê om sekuriteitsmaatreëls te ondersoek nadat bemanningslede gearresteer is met dwelms in hul besit.
Daar sal ook meer snuffelhonde gebruik word, saam met ander meer gespesialiseerde sekuriteitstoerusting.
