Die Ierse lae-koste lugredery Ryanair gaan teen die einde van die jaar al hul inboektoonbanke en personeel verwyder by lughawens ten einde kostes te bespaar.
Hierdie aankondiging is Saterdag deur die hoofuitvoerende beampte, Michael O'Leary, gemaak. "Ons sal slegs ‘n area beskikbaar stel waar bagasie afgegee kan word. Alles anders sal via die Internet plaasvind,” het hy gesê.
"Uiteindelik hoop ons dat slegs een uit elke vyf mense bagasie sal inboek." ‘n Woordvoerder van Ryanair het gesê dat 97 persent van hul kliënte alreeds aanlyn bespreek, en dat 75 persent aanlyn inboek.
O’Leary se aankondiging was dus “die volgende logiese stap”.
