'n Miljardêr-sakeman van London het sy werknemers noodgedwonge gewone hamburgers in 'n vyfster-hotel gegee om te eet nadat een die vorige dag oor die kos gekla het.
Damon Buffini, voorsitter van die private aandelemaatskappy Permira, wat deur sy ongetroude ma op 'n stadsraadseiendom in Leicester grootgemaak is, was blykbaar erg onsteld. Hy het sy personeel, van wie baie in die goeie jare miljarde in die aandelemark verdien het, uitgekryt omdat hulle nie besef "hoe gelukkig" hulle is nie.
Die hamburgervoorval het by die onderneming se jaarlikse wegbreekweek by die Pennyhill Park in Surrey, waar 'n kamer meer as R15 000 per nag kos, plaasgevind.
