Die genoteerde konstruksie- en ingenieursgroep Aveng is Vrydag deur die mededingingskommissie met R46,3 miljoen as deel van 'n skikkingsooreenkoms weens sy rol in 'n kartel in die betonbedryf beboet.
Dit volg op die kommissie se ondersoek na die bedryf oor prysvasstellingsgebruike op die gebied van betonprodukte, wat deel is van 'n reeks produkte wat vervaardig word deur Infraset, 'n afdeling van Aveng.
Aveng het erken dat Infraset betrokke was by prysvasstelling, markverdeling en onderhandse tenders in die mark vir betonpypwerk in Gauteng, KwaZulu-Natal en die Wes-Kaap.
