Die Congress of the People (COPE) het sewe dae tyd om 'n verskaffer R3,4 miljoen te betaal, of hy sal hof toe gesleep word.
Mpoyana Ledwaba, 'n prokureur wat die Johannesburgse verskaffer Black Sheep verteenwoordig, het Sondag gesê COPE sou sy aanmaningsbrief Maandag ontvang.
"Ons sal COPE sewe dae gee om my kliënt te betaal of regstappe begin instel," het Ledwaba gesê.
Black Sheep sê die geld is vir plakkate, T-hemde en ander materiaal wat hy vir COPE se manifesaankondiging verlede maand in Port Elizabeth verskaf het.
