Die Suid-Afrikaanse Lugdiens (SAA) se uitvoerende hoof, Khaya Ngqula, is met spesiale verlof, het die lugdiens se direksie Woensdag onthul.
Die direksie is besig om "verder met hom te onderhandel", maar 'n waarnemende uitvoerende hoof sal in sy plek aangewys word.
Dit volg op 'n verklaring dat die SAA-direksie 'n onafhanklike ondersoek gelas het na bewerings oor ongerymdhede waarby Ngqula betrokke is. Die ondersoek sal as uiters dringend hanteer word.
