Hierdie jaar se begroting kom met goeie en slegte nuus vir verbruikers.
Die beste nuus was waarskynlik die belastingverligting wat R13.6 miljard beloop, een van die maniere waarop die huidige swak ekonomiese toestande se impak versag is.
Mense onder 65 wat minder as R54 200 per jaar verdien, hoef geen belasting te betaal nie, asook diegene oor 65 wat minder as R84 200 verdien.
Finansiesminister Trevor Manuel het ook meer geld beskikbaar gemaak vir dié wat op welsynstoelae staatmaak – vanaf April gaan party toelae op met tussen R50 en R680 per maand.
