Die motorbedryf in KwaZulu-Natal beplan blykbaar 'n slagting om honderde - moontlik duisende - werkers af te lê.
Mbuso Ngubane van die nasionale metaalwerkersvakbond (Numsa) het gesê Toyota, wat sy hoofaanleg in Prospecton net buite Durban het, beplan glo om meer as 700 tydelike werkers tussen Februarie en Maart vanjaar af te lê. Meer as 160 tydelike werkers is glo reeds gevra om te loop - blykbaar sonder vakbondverteenwoordiging, soos wat deur die wet vereis word.
"Die maatskappy bied werkers ook vrywillige skeidingspakette aan. Meer as 1 000 mense sal hierdeur geraak word," het hy gesê.
