Studies wys dat mense steeds baie onoorspronklik is as hulle wagwoorde moet uitdink vir epos, aanlynbankgeriewe en vliegtuigkaartjies.
Dit maak dit soveel makliker vir kriminele om toegang tot mense se besonderhede te kry, sê navorsers.
‘n Onlangse studie van 28 000 wagwoorde het gewys dat mense liewer ‘n maklike uitweg kies.
Sestien persent het ‘n eerste naam gekies, hul eie of een van hul kinders s’n, terwyl 14% staatgemaak het op die rekenaartoetsbord vir kombinasies van die nommers 1234 of die ooreenstemmende QWERTY op die Engelse toetsbord. Vyf persent het die naam van TV programme gekies.
