Verskeie wêreldleiers het Woensdag Morgan Tsvangirai se inlywing as Zimbabwe se eerste minister geprys, maar gesê 'n onstuimige pad vorentoe wag op Zimbabwe met president Robert Mugabe nog in beheer.
Die Europese Unie het gesê die nuwe regering, wat 'n uitdaging van werkloosheid van 94 persent en 'n bevolking wat van die honger vergaan die hoof moet bied, sal homself eers moet bewys voordat hy groot ekonomiese hulp kan verwag.
