Die Ierse bankgroep Irish Life and Permanent het Maandag gesê hy het in reaksie op die ekonomiese insinking 160 senior bestuurders se bonusse geskrap, en sal die salaris van al sy bestuurders op verlede jaar se vlakke vries.
Dié groep, Ierland se vierde grootste bank, het gesê die veranderinge "verteenwoordig die uitdagings wat die sakewêreld en groter ekonomie" die hoof moet bied.
Die groep se drie uitvoerende direkteure - Denis Casey, Peter Fitzpatrick en Kevin Murphy - het in 2007 tussen die drie van hulle bonusse van sowat R18 miljoen ontvang.
