Organisasies wat kinderregte beskerm is ontsteld oor die begroting wat die minister van finansies Trevor Manuel voorgelê het, want volgens hulle het hy die beloftes van sy party, asook dié van President Kgalema Motlanthe, weerspreek.
Manuel het tydens sy begrotingsrede gesê die kindertoelae word verhoog om 15-jariges ook in te sluit en oorweeg dit om die perk tot 18-jariges te verhoog. Die organisasies sê nou Motlanthe het in sy staatsrede reeds gesê die perk sal verhoog word.
