Die Amerikaanse president, Barack Obama, se stimuleringsprgram sal nie genoeg wees om die grootste Amerikaanse ekonomiese afname sedert 1946 af te weer namate verbruikersbesteding sy langste daling in die geskiedenis handhaaf nie, aldus 'n peiling deur Bloomberg.
Die peiling het bevind die Amerikaanse ekonomie sal vanjaar na verwagting met nog 2% krimp - 'n halfpersent meer as verlede maand se raming.
Werkloosheid sal in 2010 na verwagting steeds hoër as 8% wees ten spyte van Obama se stimuleringsplan wat daarop gerig is om 3,5 miljoen werksgeleenthede te skep.
