Die Suid-Afrikaanse leër sal binnekort 'n groot uitdaging die hoof moet bied tensy hy gou 'n broodnodige geldinspuiting kry.
Dit is die siening van sommige van Suid-Afrika se voorste verdedigingsontleders op die vooraand van die jaarlikse stand van die leër-toespraak wat Donderdag deur die hoof van die leër, luitenant-generaal Solly Shoke, in Pretoria gelewer word.
Die tekort aan geld beteken dat die leër nie sy internasionale militêre verpligtinge soos vredesoptredes in Afrika sal kan onderhou nie.
