Steenkool-uitvoerders is in hul noppies met die vertoning van Transnet se spoorvragafdeling, TFR - veral die afgelope twee maande toe die vervoerreus alles waarvoor hy gevra is, na die Richardsbaaise steenkoolterminaal vervoer het.
Groot en klein steenkooluitvoerders het gesê TFR se nuwe span by Mpongeni het vir baie duideliker kommunikasie en samewerking begin sorg, wat dit heelwat makliker gemaak het om die steenkool aan die beweeg te hou.
Steenkooluitvoer is verlede jaar tot 61 miljoen ton beperk weens 'n tekort aan treine, maar sal vanjaar weens beter beskikbaarheid van treine tot 65 tot 68 miljoen ton styg.
