Die reserwebank van Zimbabwe het Maandag bevestig dat hy nié die gebruik van die rand oorweeg om sy waardelose Zim-dollar te anker nie.
Dit volg op 'n voorstel van Suid-Afrika se president, Kgalema Motlanthe, wat Sondag in 'n radio-onderhoud gesê het dit kan vir Zimbabwe "prakties" wees om 'n ooreenkoms met Suid-Afrika se Reserwebank aan te gaan om die rand as gemeenskaplike geldeenheid te gebruik noudat 'n eenheidsregering op die been gebring is.
Gideon Gono, die goewerneur van die Zimbabwiese reserwebank, het egter gesê dit word nie oorweeg nie.
