Guinea se militêre leier, Moussa Camara, het gedreig om AngloGold Ashanti en Crew Gold Mines se goudmyne te sluit tensy hulle instem tot nuwe regulasies. Dit sluit onder andere in dat goudstawe by die sentrale bank ingehandig moet word voor dit uitgevoer word.
AngloGold se Siguiri-myn in noordoos-Guinea het verlede jaar 333 000 onse goud gelewer. Daar is genoeg erts om die produksie te verdubbel. Crew se myn in die Lefa-strook het 197 556 onse goud gelewer.
Camara het op 23 Desember ná ’n staatsgreep aan bewind gekom.
