Twee Suid-Afrikaanse maatskappye het planne bekend gemaak om uit te brei in Afrika.
Dit was die beste tyd vir sulke uitbreiding, het Zen Negatu, ‘n besturende vennoot by Ernst & Young Ethiopië Dinsdag gesê.
Adcock Ingram, die tweede grootste farmaseutiese maatskappy in Suid Afrika, het ‘n kantoor oopgemaak in Oos-Afrika. Liberty het ingestem om 35% van Total Health Trust in Nigerië te koop.
Negatu het gesê dit was die regte tyd om uit te brei in Afrika vir maatskappye wat kontant het, aangesien meeste van die maatskappye hier in waarde geval het weens die wêreldwye ekonomiese insinking.
